ہول سیلرز اور ریٹیلرز سے آئندہ ماہ ٹیکس لینا شروع کریں گے، وزیر خزانہ

اسلام آباد (ایجنسیاں)وفاقی وزیر خزانہ سینیٹر محمد اورنگزیب نے کہا ہے کہ جنرل سیلز ٹیکس کو 18 فیصد سے بڑھا کر 19 فیصد کرنے کی کوئی تجویز زیر غور نہیں ‘پٹرولیم ڈویلپمنٹ لیوی کا اطلاق یکمشت نہیں بلکہ بتدریج کیا جائے گا‘آئی ایم ایف کے ساتھ اسٹاف سطح کا معاہدہ جولائی تک ہونے کی امید ہے‘ نان فائلرز کی اختراع کو ملک سے ختم کرنا ہو گا‘زیادہ آمدن والوں پر زیادہ ٹیکس کا نفاذ ہوگا، کسی کو اعتراض نہیں ہونا چاہیے‘یکم جولائی سے ہول سیلرزاور ریٹیلرز سے ٹیکس لینا شروع کردیں گے ۔جمعرات کو پوسٹ بجٹ پریس کانفرنس کرتے ہوئے وزیرخزانہ نے کہا کہ غیردستاویزی معیشت کا خاتمہ بھی حکومتی ترجیحات میں شامل ہے‘اس مقصد کیلئے ڈیجیٹلا ئزیشن کا عمل آگے بڑھایا جا رہا ہے، اس سے ٹیکس کے نظام میں انسانی مداخلت کو کم کیا جائے گا۔