وزیراعظم کی فضل الرحمٰن سے ملاقات،مذاکرات کیلئے کمیٹی تشکیل دینے کی تجویز

اسلام آباد،لاہور (نمائندہ جنگ،نمائندہ خصوصی )وزیراعظم محمد شہباز شریف جمعرات کے روزجمعیت علمائے اسلام (ف) کے سربراہ مولانا فضل الرحمن کی رہائش پر گئے اوران کی خیریت دریافت کی۔ وزیراعظم آفس سےجاری بیان کے مطابق مولانا فضل الرحمن نے وزیراعظم کی آمد کا خیر مقدم کیا۔وزیراعظم نے کہا کہ مولانا فضل الرحمن نے ہمیشہ جمہوری اقدار کی حفاظت کے لیے پر امن جد وجہد کو فروغ دیا ۔ وزیراعظم نے مولانا فضل الرحمن کی دینی خدمات کو بھی سراہا۔ بیان کے مطابق وزیراعظم نے سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کی۔