طاقت کا سرچشمہ عوام،پارلیمنٹ کی سپر میسی ہمارا نظریہ ہے،ڈاکٹرمالک

کوئٹہ(پ ر) نیشنل پارٹی کوئٹہ کے زیر اہتمام پارٹی کے مرکزی رہنما و سابق رکن اسمبلی شہید ہینڈری مسیح بلوچ کی برسی کے موقع پر تعزیتی ریفرنس منعقد ہوا۔تعزیتی ریفرنس سے نیشنل پارٹی کے سربراہ ڈاکٹر عبدالمالک بلوچ نے خطاب کرتے ہوئے کہا کہ ہینڈی میسح بلوچ عظیم سیاسی کارکن تھے پارٹی سیکرٹریٹ میں شہدا کی جو تصاویر لگی ہے ان پر فخر ہے ان شخصیات نے اپنی جانوں کا نذرانہ فکر و نظریے کے لیے دی۔ڈاکٹر عبدالمالک بلوچ نے کہا کہ بلوچستان کو موروثی سیاسی جماعتیں نہیں بچا سکتی۔بلوچستان کو فکر نظریہ اور جماعت کے اندر جمہوری کلچر بچا اور تعمیر کرسکتی ہے۔ نیشنل پارٹی کے کارکن فکر سے لیس ہیں حکمران تصور بھی نہ کریں کہ وہ ہمارے کارکنوں کو پارٹی سے بیزار کردیں گے۔ماضی میں بھی نیشنل پارٹی کا مینڈیٹ چھینا گیا ہے لیکن پارٹی مذید مستحکم ہوتی گئی۔ انہوں نے کارکنوں سے کہا کہ اکابرین اور کارکنوں کی جدوجہد کی بدولت نیشنل پارٹی خطے میں سیاسی کارکنوں کی سب سے بڑی پارٹی ہے۔ نیشنل پارٹی کا بیانیہ واضح ہے کہ طاقت کا سر چشمہ عوام ہیں، پارلیمنٹ سپریم ہو ،قومی و طبقاتی جبر کا خاتمہ ہو ،حق اختیار عوام کے پاس اور عدلیہ اور میڈیا آزاد ہوں۔ انہوں نے کہا کہ فکر و وطن کی آبیاری پر سمجھوتا نا ممکن ہے تنظیم کو فعال بنا ئیں گے اور پارٹی کو متحرک رکھیں گے۔ صوبائی جنرل سیکرٹری خیر بخش بلوچ نے خطاب کرتے ہوئے کہا کہ ہینڈری مسیح بلوچ کے ساتھ بی ایس او اور نیشنل پارٹی میں کام کیا ان کو فکری طور پر مضبوط پایا نیشنل پارٹی کو ان پر فخر ہے انہوں نے کہا کہ تنظیمی کلچر کو برقرار رکھنا ہوگا نظریاتی سیاست میں عہدہ معنی نہیں رکھتا بلکہ فکر و نظریہ مقدم ہوتا ہے۔نیشنل پارٹی مضبوط سیاسی جماعت ہے ۔ نیشنل پارٹی کو 2002 میں حکومت کی پیشکش ہوئی لیکن پارٹی نے اصولوں پر سمجھوتا نہیں کیا اور انتقام کا نشانہ بنی ۔ااس وقت کے انتخابات میں پارٹی کی جیتی ہوئی نشستوں کو چھینا گیا لیکن نیشنل پارٹی مذید مستحکم و مضبوط ہوئی ۔2024 کے انتخابات میں نیشنل پارٹی کی کامیابی کو فارم 47 کے زریعے تبدیل کیا گیا اور سریاب سے حاجی عطاء محمد بنگلزئی کی کامیابی کو فارم 47 کے زریعے چرایا گیا اسی طرح بلوچستان کے دیگر علاقوں میں بھی یہی منفی عمل کیا گیا۔انہوں نے کہا کہ نیشنل پارٹی میر یوسف عزیز مگسی عبدالعزیز کرد میر غوث بخش بزنجو کی فکر کا تسلسل ہے جو سیاست اصولوں و نظریات کی بنیاد پر کرتا ہے۔تعزیتی ریفرنس سے میران بلوچ حنیف کاکڑ انیل غوری سلمہ قریشی فریدہ بلوچ ڈاکٹر طارق بلوچ ریاض زہری نے بھی خطاب کیا۔