اکبر ایس بابر کا حکومت سے عدالتی کارکردگی سے متعلق وائٹ پیپر کے اجرا کا مطالبہ

اسلام آباد (خبر نگار) پاکستان تحریک انصاف کے بانی رکن اکبر ایس بابر نے گزشتہ دس برسوں کو ”تباہی کی دہائی“ قرار دیتے ہوئے حکومت سے عدالتی کارکردگی سے متعلق وائٹ پیپر کے اجرا کا مطالبہ کیا ہے اور کہا ہے کہ اس وائٹ پیپر کی بنیاد پر عدالتی اصلاحات کی جائیں۔ ایک بیان میں انہوں نے کہا کہ وائٹ پیپر میں 2014 سے عدالت کے سامنے آنے والے مقدمات، انکی نوعیت اور انجام، مقدمات میں نامزد ملزمان، سزا یافتگان اور بری ہونے والوں کی تفصیل سمیت عدالتی عمل میں موازنہ اور تضادات کا جائزہ شامل ہونا چاہئے۔