مہمندڈیم پاور پروجیکٹ، پاکستان اور کویت میں معاہدہ

اسلام آباد( کامرس رپور ٹر ) مہمند ڈیم ہائیڈور پاور پروجیکٹ کیلئے کویت 10کروڑ ڈالر فراہم کریگا، کویت فنڈ کی جانب سے قرض کی پہلی قسط اڑھائی کروڑ ڈالر کی فراہمی کے معاہدہ پر 3جون کو دستخط ہوئے تھےگزشتہ روز وزارت اقتصادی امور اور واپڈا کے مابین مہمند ڈیم ہائیڈرو پاور پروجیکٹ کیلئے اڑھائی کروڑ ڈالر کے قرضہ کیلئے ذیلی معاہدہ ( ایس ایل اے )ہوا ہے معاہدے پر جمعہ کووزارت اقتصادی امور میں دستخط کئے گئے سیکرٹری اقتصادی امور ڈاکٹر کاظم نیاز نے وزارت اقتصادی امور جبکہ چیئرمین واپڈا لیفٹیننٹ جنرل ( ر ) سجاد غنی نے واپڈا کی نمائندگی کی کویت کے سفیرناصر عبدالرحمٰن جاسر المطیری بھی اس موقع پرموجودتھے ،کویت فنڈ کی جانب سے 10 کروڑڈالرکی مجموعی مالی تعاون چار مساوی قسطوں کے ذریعے فراہم کی جائیگی ۔