پاکستانی بجٹ نئے پروگرام کیلئے IMF مذاکرات میں مدد کریگا، موڈیز

اسلام آباد (این این آئی) عالمی ریٹنگ ایجنسی موڈیز نے کہا ہے کہ بجٹ عالمی مالیاتی ادارے (آئی ایم ایف) قرض پروگرام کے لیے مذاکرات میں مددگار ہوگا، 3.6 فیصد شرح نمو ہدف رکھ کر آئی ایم ایف کوخوش کرنے کی کوشش کی گئی ہے۔پاکستان کا آدھے سے زیادہ ریونیو سود کی ادائیگی پرخرچ ہوگا۔ موڈیز نے کہا کہ مالی استحکام کے لیے ٹیکسوں میں اضافے اورشرح نمو پر انحصار کیا، مہنگائی کی وجہ سے سماجی تنا دوبارہ پیدا ہوسکتا ہے۔عالمی ریٹنگ ایجنسی کے مطابق مضبوط الیکٹورل مینڈیٹ نہ ہونے سے اصلاحات پر عمل مشکل ہو سکتا ہے، ریونیو میں 40 فیصد اضافہ ٹیکسوں میں اضافے کی وجہ سے ہے۔