اچکزئی کی سربراہی میں اپوزیشن اتحاد کا PP، ن لیگ،MQMسے رابطے کا فیصلہ

کراچی (نیوز ڈیسک) اپوزیشن اتحاد نے حکومتی اتحادی جماعتوں سے رابطوں کا فیصلہ کیا ہے۔ ذرائع کے مطابق محمود اچکزئی کی سربراہی میں پاکستان پیپلزپارٹی، مسلم لیگ (ن) اور ایم کیو ایم سے رابطوں کا فیصلہ کیا ہے۔ ذرائع کے مطابق بانی پی ٹی آئی نےجیل سے محمود خان اچکزئی کو مکمل اعتماد کا پیغام بجھوادیا ہے اور اسد قیصر نے محمود اچکزئی سے ملاقات میں مذاکراتی عمل آگے بڑھانے کا کہا ہے۔ ذرائع کے مطابق ٹی او آر طے کرکے پاکستان پیپلزپارٹی، مسلم لیگ (ن) اور ایم کیو ایم سے رابطہ ہوگا۔ ذرائع نے بتایا کہ محمود اچکزئی مذاکرات کیلئے اتحاد میں سے ایک ایک نمائندہ شامل کرینگے۔ ذرائع کا کہنا ہے کہ محموداچکزئی پی ٹی آئی سے مشاورت کے بعد مولانا فضل الرحمان کواعتماد میں لینگے، اس سلسلے میں محمود اچکزئی عید کے بعد مولانا فضل الرحمان سے ملاقات کرینگے۔ ذرائع کے مطابق بانی پی ٹی آئی الائنس کے مذاکراتی عمل کی مکمل حمایت کرینگے۔