حیدرآباد‘ تشدد سے گدھے کی ٹانگ توڑنے والا شخص گرفتار

حیدرآباد(جنگ نیوز/آئی این پی )حیدرآباد میں تشدد کرکے گدھے کی ٹانگ توڑ دینے والے شخص کو گرفتار کرکے مقدمہ درج کرلیا گیا۔واقعہ سیری کے علاقے میں گزشتہ روزپیش آیا‘ملزم میر رند کو گرفتار کر کے عدالتی حکم پر جیل بھیج دیا گیا۔پولیس کے مطابق ملزم خود بھی گدھا گاڑی چلاتا ہے‘گزشتہ روز ملزم نے ایک دوسری گاڑی کےگدھے پر تشدد کرکے اس کی ٹانگ توڑ دی تھی۔پولیس کے مطابق ملزم کا گدھا اور سڑک پر موجود دوسری گاڑی کا گدھا لڑ پڑے تھے۔گدھوں کی لڑائی پر ملزم نے دوسرے گدھے پر ڈنڈے برسا دیے جس سے گدھے کی ٹانگ ٹوٹ گئی۔