اسلام آباد (محمد صالح ظافر خصوصی تجزیہ نگار)اس حقیقت سے انکار نہیں کیا جاسکتا کہ معیشت برباد ہو چکی ہے اور شہریوں کیلئے جسم و جان کا رشتہ برقرار رکھنا دُشوار ہوگیا ہے، عالمی مالیاتی فنڈ سے طے شدہ معاہدے پر عملدرآمد شروع ہوگیا ہے اور قائد حزب اختلاف شہباز شریف نے بدھ سے شروع ہونے والے سال رواں کے آخری مہینے میں تباہ کن مہنگائی کے نئے ریلے کے لئے انتباہ جاری کیا ہے۔ انہوں نے بڑی دلسوزی سے محب وطن قوتوں سے درخواست کی ہے کہ وہ معاملے کی نزاکت کو محسوس کریں اور آگے بڑھ کر اپنا کردار ادا کریں ورنہ ہم تباہی کے کنارے پر پہنچ چکے ہیں۔ حکومت نے آئی ایم ایف سے طے شدہ معاہدے کے مطابق آئندہ ہفتے ترمیمی مالیاتی بل پیش کرنے کا فیصلہ کر لیا ہے جس کی رُو سے اس میں شیڈول چھ کو حذف کر دیا جائے گا اس طرح ساڑھے تین سو ارب کی ٹیکس مراعات نابود ہو جائیں گی۔ اطلاعات ہیں کہ پٹرولیم ڈیولپمنٹ وصولی کا ہدف چھ سو ارب سے کم کر کے 356 ارب روپے مقرر کیا جائے گا اور پٹرولیم لیوی میں تخفیف یا اضافے کا اختیار موجودہ وزیراعظم کو تفویض کر دیا جائے گا۔ رواں مالی سال کے لئے ٹیکس وصولیوں کا ہدف پانچ ہزار آٹھ سو ارب سے بڑھا کر چھ ہزار ایک سو ارب روپے مقرر ہوگا۔ ترقیاتی سرگرمیاں تو موجودہ حکومت کے زمانے میں کبھی دکھائی ہی نہیں دیں اب ان کے لئے مخصوص رقم میں دو سو ارب روپے کی کٹوتی کی جا رہی ہے یہ سب کچھ آئی ایم ایف کو ایک ارب ڈالر کی قسط ادا کرنے کے لئے کیا جا رہا ہے اور آئندہ چھ ہفتے میں ان شرائط پر عملدرآمد کو یقینی بنانا ہوگا جس کے بعد پاکستان کو آئی ایم ایف سے ایک ارب ڈالر کے نئے قرض کا مستحق قرار دیا جائے گا۔تحریک انصاف کا نوجوان جب کہے کہ عمران خان آپ نہیں، عوام چاہئے تو اس پیغام کوسمجھنے میں حکمران جس قدر تاخیر کریں گے اسی قدر نقصان میں رہیں گے۔ کارکردگی مایوس کن ہوگی تو پھر آپ کو سر پر کون بٹھائے گا۔ یہ اعترافات کا وقت ہے اور سیاسی شعبدہ بازی خسارے کا سودا رہے گی حکومت ہی نہیں اس کے مخالفین کو بھی رائے عامہ کے تیوروں کا اندازہ لگانے میں غلطی نہیں کرنی چاہئے۔
لاہورلاہور ہائیکورٹ کے جسٹس شجاعت علی نے پی ٹی آئی کو مینار پاکستان ،موچی گیٹ اور مغل پورہ میں جلسوں کی...
لاہور وزیر خوراک پنجاب بلال یاسین نے ٹیمپل روڈ، کریم پارک اور ٹھوکر کے علاقوں میں نان روٹی کی دکانوں پر...
کراچیاسرائیلی حملے میں ہلاک ہونےوالی5 سالہ بھانجی سیلی کی لاش کو سینے سے لگائے ہوئے ایک فلسطینی خاتون کی...
لاہورپاکستان مسلم لیگ کے سینئر رہنما خواجہ سعد رفیق نے ایکسپر پابندی ختم کرنے کا مطالبہ کرتے ہوئے کہا ہے کہ...
اسلام آباد قومی ایئر لائن کی نجکاری سے قبل ہولڈنگ کمپنی کے بورڈ آف ڈائریکٹرز کا اہم اجلاس ہوا جس میں بتایا...
لاہور گزشتہ روز بھی سٹاک مارکیٹ میں دن بھر کے اتار چڑھائو کے بعد کاروبار کا اختتام مندے پر ہوا آخر میں بیشتر...
لاہورلاہور ہائیکورٹ کے جسٹس شاہد کریم نےپی پی 133 ننکانہ صاحب سے ن لیگی امیدوار رانا ارشد کی کامیابی کیخلاف...
مدینہ منورہمدینہ منورہ میں 40 برس سے زائرین کو مفت چائے اور قہوہ پلانے والے 96 سالہ شیخ اسماعیل الزائم ابو...