پنجاب حکومت خواتین کو با اختیار بنانے، صنفی مساوات کو فروغ دینے کیلئے پرعزم ہے،مریم نواز

لاہور (صباح نیوز) وزیراعلیٰ پنجاب مریم نواز نے کہا ہے کہ خواتین کو تمام شعبوں میں آگے بڑھنے کے یکساں مواقع میسر ہیں، پنجاب حکومت خواتین کو با اختیار بنانے، صنفی مساوات کو فروغ دینے کیلئے پرعزم ہے معاشرتی ترقی خواتین کی ترقی کیساتھ منسلک ، سفارتکاری میں خواتین کا کردار امن کو فروغ دینے میں اہم ہوتا ہے ڈاکٹر ملیحہ لودھی اور دیگر خواتین نےپاکستان کی سفارتی کامیابیوں میں نمایاں کردار ادا کیا ہے ۔خواتین سفارت کاروں کے عالمی دن کے موقع پر اپنے پیغام میں انہوں نے کہا کہ یہ دن دنیا بھر کی خواتین سفارتکاروں کی غیر معمولی خدمات کے اعتراف کے لئے منایا جاتا ہے یہ دن ہمیں سفارتی میدان میں صنفی مساوات کے لئے کئے گئے اقدامات کی یاد دلاتا ہے سفارت کاری میں خواتین کا کردار امن کو فروغ دینے میں اہم ہوتا ہے۔انہوں نے کہا کہ پاکستان کی معروف سفارت کار ڈاکٹر ملیحہ لودھی اور دیگر نے سفارتی کامیابیوں میں نمایاں کردار ادا کیا خواتین کو سفارت کاری اور بین الاقوامی تعلقات میں کیرئیر اختیار کرنا چاہیے ۔انہوں نے کہا کہ ان کی حکومت خواتین کو با اختیار بنانے اور صنفی مساوات کو فروغ دینے کے لیے پرعزم ہے معاشرتی ترقی خواتین کی ترقی کے ساتھ منسلک ہے۔