پاک فوج کے تحت استورمیں3روزہ قمری میلہ اختتام پذیر

استور(خبرایجنسی) گلگت بلتستان کے مشہور سیاحتی مقام ضلع استور میں پاک آ رمی کے زیر اہتمام تین روزہ میلہ اختتام پزیر ہو گیا ۔ تفصیلات کے مطابق پاکستان آرمی کے زیر اہتمام منعقد کیے گئے تین روزہ قمری میلے میں مقامی لوگوں بالخصوص نوجوانوں کی بڑی تعداد نے شرکت کی۔ میلے میں کرکٹ، والی بال، رسہ کشی، ویٹ لفٹنگ، ایتھلیٹکس، گھوڑوں کی دوڑ، بھیڑ اٹھانے کی دوڑ، بوری کی دوڑ، بز کاشی اور دیگر کھیلوں اور تقریری مقابلوں کا اہتمام کیا گیا۔ علاقے کے مکینوں اور ضلعی انتظامیہ کو برف پوش پہاڑوں میں استعمال ہونے والے سازو سامان اور ہتھیاروں سے آگاہی بھی دی گئی۔