2018میں دھاندلی کرنیوالے آج زوال پذیر ہیں ،خواجہ آصف

سیالکوٹ( نمائندہ جنگ) رکن قومی اسمبلی و سابق وفاقی وزیر خواجہ محمد آصف نے کہا ہے کہ 2018میں دھاندلی کرنے والے آج زوال پذیر ہیں ، نواز شریف سے اقتدار چھین کر غلطی کی گئی،انہیں آج بھی لوگ یاد کرتے ہیں، 1977کے انتخابات دھاندلی زدہ تھے جس میں33افراد بلا مقابلہ منتخب ہوئے جسکے بعد دھاندلی کا عمل جاری رہا ،2018میں دھاندلی کرنے والے آج زوال پذیر ہیں۔ ان خیالات کا اظہار انہوں نے پاکستان مسلم لیگ ن کے آفس پیرس روڈ پر ورکز کنونشن سے خطاب کرتے ہوئے کیا۔ انہوں نے کہا کہ عمران خان کو ووٹ ضرورملے ہیں ، دھاندلی نے اسکے اقتدار کو ممکن بنایا بھیک مانگنے کا راگ ناپنے والے کہتے تھے کہ میں بھیک نہیں مانگوں گا بلکہ خودکشی کو ترجیح دونگا ہم ساڑھے تین سال سے اسکی خودکشی کا بے چینی سے انتظار کررہے ہیں۔