پہلوان گوٹھ ، گھر میں پانی کی بالٹی میں گر کر بچی جاں بحق

کراچی (اسٹاف رپورٹر) گلستان جوہر کے علاقے پہلوان گوٹھ میں گھر میں پانی کی بالٹی میں گرکر ایک سالہ بچی جاں بحق ہوگئی،بچی کی لاش کو جناح اسپتال منتقل کیا گیا۔پولیس نے بتایا کہ متوفیہ کی شناخت نہال فاطمہ دختر خلیل کے نام سے ہوئی ، بچی کے اہلخانہ نے بتایا کہ نہال فاطمہ گھر میں کھیل رہی تھی، صحن میں پانی سے بھری بالٹی رکھی ہوئی تھی کہ اس دوران کھیلتے ہوئے پانی کی بالٹی میں سر کے بل الٹ گئی جب گھر والوں نے دیکھا تو کافی دیر ہوچکی تھی، پولیس نے ضابطے کی کارروائی کے بعد لاش ورثاءکے حوالے کردی۔