نسلہ ٹاور کے اطراف 4سے زائد افرادکے جمع ہونے پر پابندی

29 نومبر ، 2021

کراچی(آئی این پی )سپریم کورٹ کے حکم پر کراچی میں گرائی جانے والی بلند و بالا رہائشی عمارت نسلہ ٹاور کے اطراف دفعہ 144 کے تحت احتجاج کرنے پر پابندی لگا دی گئی ہے اور اس کا نوٹیفکیشن بھی جاری کردیاگیا ہے۔ کمشنر کراچی کی جانب سے جاری نوٹیفکیشن کے مطابق نسلہ ٹاور کے اطراف 4 سے زائد افراد کے جمع ہونے پر پابندی ہے۔ نوٹیفکیشن کے مطابق 4 سے زائد افراد کے نسلہ ٹاور کے اطراف جمع ہونے اور غیر متعلقہ افراد کی جانب سے احتیاطی رکاوٹیں عبور کرنے پر بھی دفعہ 144 کے تحت کارروائی ہوگی۔پابندی کا اطلاق نسلہ ٹاور مکمل مسمار ہونے کے تک برقرار رہے گا۔