ٹیکسوں بھرمار،بجلی وگیس بلوں سمیت مہنگائی میں اضافے کیخلاف ڈسٹرکٹ بار کا احتجاج کا عندیہ

راولپنڈی(نمائندہ جنگ) ڈسٹرکٹ بار ایسوسی ایشن راولپنڈی نے بھی حالیہ بجٹ کو غریب عوام کا قاتل قرار دے دیتے ہوئے ٹیکسوں کی بھرماربجلی وگیس کے بلوں سمیت مہنگائی میں ہوشربا اضافے کے خلاف احتجاج کا عندیہ دے دیا ہے۔ بار کے صدر سید انتظار مہدی نقوی نے کہا کہ پاکستان کی حکومت اور ایلیٹ کلاس  نے سارا وزن غریب عوام پر ڈال دیا ۔ لوگوں کے حالات بد سے بدتر ہوتے جا رہے ہیں اور ان کے پاس کھانے کو بھی نہیں ہے، اوپر سے آئے روزآئی ایم ایف کے کہنے پر حکومت سوچے سمجھے بغیر اپنے ملک کی غریب عوام کو مہنگائی کی چکی میں پیسے جا رہی ہے ۔اتنی مہنگائی ہے کہ لوگ خودکشیاں کرنے پر مجبور ہو گئے ہیں ۔انہوں نے کہا کہ بجلی کے بلوں میں اضافہ فی الفور واپس لیا جائے اور بجلی کے یونٹ کی قیمت 2022 کے ریٹ پر مقرر کی جائے وگرنہ راولپنڈی ڈسٹرکٹ بار کے وکلاء احتجاجی تحریک چلانے پر غور  کریں گے۔