میاں بیوی کے قتل کا سراغ لگا لیا گیا، مقتول کا سگا بھائی قاتل نکلا

گوجرخان(نمائندہ جنگ) تھانہ مندرہ کے علاقہ میں میاں بیوی کے قتل کا سراغ لگا لیا گیا۔ مقتول کا سگا بھائی ہی قاتل نکلا۔ملزم ارشاد نے چار روز قبل جائیداد کے تنازع اور گھریلو رنجش پر فائرنگ کر کے اپنے سگے بھائی مظہر اور بھابھی غوثیہ بی بی کو اس وقت قتل کر دیا تھا جب وہ دونوں صحن میں سو رہے تھے۔واقعہ کا مقدمہ مقتول کی بیٹی کی مدعیت میں درج کیا گیا۔ملزم ارشاد نے دوران تفتیش بھائی مظہر اور بھابھی غوثیہ بی بی کو قتل کرنے کا اعتراف کیا،ملزم سے آلہ قتل برآمد کر لیا گیا ہے۔