آئی ایس آئی کو فون ٹیپنگ کی اجازت دینے کے فیصلے کیخلاف سندھ ہائیکورٹ میں آئینی درخواست دائر

کراچی (اسٹاف رپورٹر)آئی ایس آئی کو فون ٹیپنگ کی اجازت دینے کے فیصلے کیخلاف سندھ ہائیکورٹ میں آئینی درخواست دائر کردی گئی ۔آئینی درخواست کی سماعت 22 جولائی کے لیے مقرر کردی گئی۔ درخواست گزار کے وکیل نے بتایا کہ دائر درخواست میں فون ٹیپنگ کی اجازت دینا غیر قانونی اور غیر آئینی اقدام ہے۔ فون ٹیپنگ نجی زندگی میں مداخلت کے مترادف ہے۔ یہ رائٹ آف پرائیویسی کی خلاف ورزی اور انٹرنیشنل ٹریٹی کی بھی وائلیشن ہے۔ یوکے اور دیگر ممالک میں فون ٹیپ کرنے سے پہلے متعلقہ عدالت اور حکومت سے اجازت لینا ضروری ہے۔