بانی پی ٹی آئی نے نئے انتخابات کرانے کا مطالبہ کردیا

راولپنڈی(نیوز ایجنسیاں)بانی پی ٹی آئی عمران خان نے نئےانتخابات کرانےکا مطالبہ کردیا۔اڈیالہ جیل راول پنڈی میں 190 ملین پاؤنڈ ریفرنس کی سماعت کے دوران بانی پی ٹی آئی نے صحافیوں سے غیر رسمی گفتگو کی۔مخصوص نشستوں کے فیصلے سے متعلق سوال کے جواب میں انہوں نے کہا کہ اب کیا فائدہ حکومت میں آنے کا، اسٹیبلشمنٹ کو صاف اور شفاف انتخابات کرانے ہوں گے،مخصوص نشستیں ملنے کے بعد کسی جوڑ توڑ کا حصہ نہیں بنیں گے،ملک بچانا ہے تو واحد راستہ صاف و شفاف الیکشن ہے۔