نظم و ضبط کی خلاف ورزی پر زیرو ٹالرنس پالیسی، گروپنگ برداشت نہیں، چیئرمین پی سی بی

کراچی(اسٹاف رپورٹر) ٹی ٹوئنٹی ورلڈ کپ میں تباہ کن کارکردگی کے بعد پاکستان کرکٹ بورڈ کے چیئرمین محسن نقوی نے واضح کیا ہے کہ ڈسپلن پر کوئی سمجھوتہ نہیں کیا جائےگا۔نظم و ضبط کی خلاف ورزی کرنے والے کھلاڑی کے خلاف زیرو ٹالرنس پالیسی ہو گی۔ٹیم کے اندر اتحاد اور اتفاق نظر آنا چاہیے۔ گروپنگ کرنے والے کھلاڑیوں کو برداشت نہیں کیا جائے گا۔گروپنگ پر مینجمنٹ کو سخت ایکشن لینا چاہیے۔ڈسپلن کی خلاف ورزی کرنے والے کسی بھی کھلاڑی کے بارے میری سفارش بھی نہ مانی جائےنئے کھلاڑیوں پر بھرپور سرمایہ کاری کریں گے۔کوچز مکمل بااختیار ہیں۔۔گیری کرسٹن اور جیسن گلیسپی کو فری ہینڈ دیا ہے ۔ لاہور میں پی سی بی کے اعلی سطحی اجلاس کے بعد محسن نقوی نےکرکٹ اور ٹیم کی کارکردگی کی بہتری کیلئے بڑے فیصلے کئے۔ وائٹ بال اور ٹیسٹ کے ہیڈ کوچز کو سلیکشن کمیٹی میں شامل کر لیا گیا ہے۔پی سی بی اعلامیہ کے مطابق پاکستانی ٹیم کےہر کھلاڑی کا ہر 3 ماہ بعد فٹنس ٹیسٹ لازمی ہو گا۔کھلاڑی کو لازما ڈومیسٹک کرکٹ کھیلنا ہوگی۔