کامیاب ہونے والے تمام پاکستان نژاد ارکان پارلیمنٹ کو مبارکباد

برمنگھم(پ ر )اوور سیز پاکستان کشمیر ویلفیئر کونسل کا ایک اجلاس زیر صدارت راجہ شکیل حیدر برمنگھم میں منعقد ہوا۔ اجلاس میں میں جنرل سیکرڑی مرزا فیصل محمود، نائب صدر راجہ عبدالقیوم، سیکرڑی انفارمیشن غلام بنی عامر، نائب صدور خاور عباس شاہ، چوہدری عارف، حیدر عباس شاہ، راجہ زین کیانی اور لیڈیز ونگ کی صدر زبیدہ بیگم اور دیگر خواتین نے شرکت کی۔ مرزا فیصل محمود نے اجلاس میں برطانیہ کے حالیہ عام انتخابت میں کامیاب تمام پاکستانی اور کشمیری برٹش نژاد ممبران کو ممبر آف پارلیمنٹ منتخب ہونے پر اور شبانہ محمود کو وزیر بنے پر مبارک باد دیتے توقع ظاہر کی کہ تمام منتخب ممبران اپنی تمام صلاحیتوں کو بروئے کار لاتے ہوئے عوام کی بے لوث خدمت کریں گے ۔اجلاس میں پاکستان کی موجودہ حکومت فیصلے پر بھی شدید تنقید کی گئی جس کے مطابق اوورسیز پاکستانیوں کے فضائی ٹکٹ پر ایک لاکھ روپیہ ٹیکس لگایاگیا ۔اجلا س میں کہا گیا کہ ہونا تو یہ چا ہئے تھا کہ کثیر زر مبادلہ بھیجنے پر دنیا بھر میں بسنے والے ایک کرورڑ سے زائد پاکستانیوں کی قربانیوں کو سراہا جانا چاہیے تھا اور ان کے لئے کسی بڑے پیکیجکا اعلان کیا جانا چاہئے تھا اور ٹورسٹ انڈسٹری کو فروغ دیتے ہوئے اورسیز پاکستانیوں سمیت دیگر ممالک کے لوگوں کو اپنے ملک کی طرف راغب کیا جانا چاہئے تھا۔ اجلاس میں کہا گیا کہ پہلے ہی پی آئی اے انٹرنیشل روٹس بند ہونے کی وجہ سے بیرون ممالک میں بسنے والی فیملیز کا پاکستان سفر کرنا کم ہو گیا تھا اور اب اس طرح کے اقدامات کرنے سے پاکستان کو نا قابل تلافی نقصات اٹھانا پڑیں گے ۔ اجلاس میں حکومت پاکستان سے یہ ٹیکس فوری طور پر ختم کرنے کا مطالبہ کیا گیا اور کہا گیا کہ اس طرح اوورسیز پاکستانی اپنے وطن میں سرمایہ کاری نہیں کر سکیں گے۔