بنوں کینٹ پر دہشتگردوں کا حملہ ناکام،تمام جنگجو ہلاک،3سکیورٹی اہلکار شہید

بنوں(نمائندہ جنگ) دہشتگردوں کی جانب سے بنوں کینٹ پر حملہ ناکام بنا دیا گیا تمام دہشتگردوں کو مار دیا گیا ، آپریشن میں 3سکیورٹی اہلکار شہید جبکہ 53 زخمی ہو گئے،دہشت گردوں نے بارود سے بھاری گاڑی کینٹ کی باہر والی دیوار اور سپلائی ڈپوکیساتھ ٹکرائی ،زورداردھماکہ،کئی مکان ودنیں متاثر، دیواریں گرنے سے کئی افرادزخمی،دھماکے کے بعد سیکورٹی فورسزکاطویل آپریشن،کئی گھنٹے فائرنگ کاتبادلہ،خواتین سمیت53زخمی،اعلیٰ الصبح دہشت گردوں نے بارود سے بھاری گاڑی کینٹ کی باہر والی دیوار اور سپلائی ڈپوکیساتھ ٹکرائی ، کوہاٹ گیٹ اور جمعہ خان روڈ کے درمیاں واقع سپلائی ڈپو پر دہشتگردوں نے حملہ کرتے ہوئے بارود سے بھاری گاڑی دیوار کے ساتھ ٹکرا کر زور دھماکہ ہوا ، دھماکہ اتنا شدید تھا کہ نزدیکی علاقوں کے مکانات متاثر جبکہ دکانات کے شٹر اور شیشے ٹوٹ گئے جس کے نتیجے میں چار خواتین سمیت 7افراد زخمی ہوگئے دھماکے کی شدت کی وجہ سے بنوں شہر کے سرکاری دفاتر مارکیٹوں اور سپلائی لائن میں کئی گھروں کی دیواریں گرنے سے بھی کئی افراد زخمی ہوئے دھماکے کے بعد جائے وقوعہ کی جانب جانے والے راستوں کو مکمل طور پر سیل کرکے آپریشن شرو ع کیا گیا جوکہ کئی گھنٹے تک جاری رہا آپریشن میں ایس ایس جی کمانڈوز ، ایف سی نے حصہ لیا بنوں شہر کے اکثر یتی علاقوں میں بالا خانوں پلازوں اور دکانات کے ششے گرنے سے بھی کئی افراد زخمی ہونے کی اطلاعات موصول ہوئی ہیں دھماکے میں زخمی ہونے والے خواتین اور مردوں کو ڈی ایچ کیو ،خلفیہ گل نواز میڈیکل کمپلیکس اور بعض کو سی ایم ایچ منتقل کیا گیا ۔بنو ں دہشت گردوں کی جانب سے بارود سے بھری گاڑی سپلائی ڈیو اور کینٹ کے باہر دیوار سے ٹکرانے کے بعد زور دار دھماکوں اور فائرنگ سے مریضہ خاتون بھی شدید زخمی بھی ساتھی خاتون کو ابتدائی طبی امداد کے بعد پشاور ریفر کردیا گیا بدقسمت خاتون اُمید لئے زنانہ ہسپتال جارہی تھی کہ اس دوران بنوں کوہاٹ روڈ پر واقع جمعہ خان روڈ پر سپلائی ڈیو کے دیوار کے ساتھ بارودی مواد کے دھماکے اور بعدازاں خود کش حملے کے نتیجے میں سورانی بازیدہ کی رہائشی خواتین بھی نشانہ بن گئیں مذکورہ خواتین بچے کی پیدا ہونے کی اُمید پر زنانہ ہسپتال جاہی تھی کہ اس دوران نامعلوم دہشتگردوں کے حملہ کے وقت پاس سے گزار رہی تھی کہ وہ چنگ چی رکشہ بھی زد میں آگیا۔دھماکے کے بعد شہر اور ملحقہ علاقے خالی ہوگئے جبکہ بنوں کینٹ کی جانب جانے والے راستے سنسنان پڑرہے ۔ بنوں خودکش حملے سے قریبی پریس کلب کی عمارت کو شدید نقصان پہنچاء پریس کلب پر لگے شیشے ٹوٹ گئے جبکہ بالائی منزل ہال اور سلینگ کو بھی شدید نقصان ہوا ۔