وزیر داخلہ محسن نقوی کی سینیٹ رکنیت اسلام آباد ہائیکورٹ میں چیلنج

اسلام آباد (نمائندہ جنگ) وزیر داخلہ محسن نقوی کی سینیٹ کی رکنیت کو اسلام آباد ہائیکورٹ میں چیلنج کر دیا گیا۔ شہری محمد فہد شبیر نے ایڈووکیٹ ندیم سرور کے ذریعے دائر درخواست میں وزارت قانون ، وزارت بین الصوبائی رابطہ ، سیکرٹری داخلہ ، محسن نقوی ، الیکشن کمیشن اور پی سی بی کو فریق بناتے ہوئے موقف اختیار کیا ہے کہ محسن نقوی چیئرمین پی سی بی کے عہدے پر ہونے کے باعث رکن پارلیمنٹ بننے کیلئے نااہل قرار پائے تھے اور ان کی نااہلی اب بھی برقرار ہے۔