9مئی جلائوگھیرائو کیس،شاہ محمود قریشی پر فردجرم عائد

لاہور(کورٹ رپورٹر)انسداد دہشت گردی عدالت نے 9مئی کو تھانہ شادمان جلانے کے مقدمے میں رہنما تحریک انصاف شاہ محمود قریشی اور یاسمین راشد سمیت 9ملزمان پر فرد جرم عائد کر دی۔کوٹ لکھپت جیل لاہور میں انسداد دہشت گردی عدالت لاہور کے جج خالد ارشد نے کیس کی سماعت کی ، قبل ازیں پی ٹی آئی رہنما اور سابق وزیر خارجہ شاہ محمود قریشی کو سخت سکیورٹی میں 9مئی سے متعلق مقدمات کی سماعت کے سلسلے میں کوٹ لکھپت جیل پہنچایا گیا اور دیگر ملزمان عدالت میں پیش ہوئے۔آئندہ سماعت پر گواہان کو طلب کر لیا ۔عدالت نے ملزمان پر فرد جرم عائد کرتے ہوئے کیس کی سماعت 18جولائی تک ملتوی کردی۔