ایف بی آر،6سینئر عہدیداروں نے نئی پوسٹیں سنبھال لیں

اسلام آباد (رپورٹ:حنیف خالد) فیڈرل بورڈ آف ریونیو کے 6 سینئرعہدیداروں نے نئی ذمہ داریاں سنبھالی ہیں۔ ایف بی آر نے پیر 15 جولائی کو اُنکے الگ الگ نوٹیفکیشن جاری کر دیئے ۔ ان میں پاکستان کسٹم سروس بنیادی سکیل 20کے محمد حارث انصاری‘ سعید اکرم‘ شفقت علی خان نیازی‘ ایف بی آر کے ان لینڈ ریونیو سروس کے بنیادی سکیل 20کے عمر دراز‘ پیر خالد احمد قریشی شامل ہیں۔ تفصیلات کے مطابق پیر کو جاری کئے گئے نوٹیفکیشن نمبر 1811سی ون 2024ء میں کہا گیا ہے کہ محمد حارث انصاری پاکستان کسٹم سروس بنیادی سکیل 20میں ڈائریکٹر انٹیلی جنس نے ڈائریکٹریٹ آف ٹرانزٹ ٹریڈ گوادر کا نیا عہدہ سنبھال لیا ہے۔ ایف بی آر نوٹیفکیشن نمبر 11804سی ون 2024ء کے مطابق سعید اکرم نے چیف کلکٹر کسٹمز خیبر پختونخوا پشاور کے عہدے سے سبکدوش ہو کر ایف بی آر کے نئے ممبر لیگل اینڈ اکائونٹنگ کسٹمز کی ذمہ داریاں نبھانا شروع کر دی ہیں۔ ایف بی آر کے نوٹیفکیشن نمبر 1812سی ون 2024ء کے مطابق پاکستان کسٹم سروس سکیل نمبر 20کے شفقت علی خان نیازی نے ڈائریکٹر ریفارمز اینڈ آٹو میشن کسٹمز ڈیجیٹلائزیشن کراچی کا عہدہ 15جولائی 2024ءکو سنبھالا ہے۔ نوٹیفکیشن نمبر 1810آئی آر ون 2024ء کے مطابق بلال حسین ان لینڈ ریونیو سروس نے ایڈیشنل ڈائریکٹر انٹیلی جنس اینڈ انٹیلی جنس سروس لاہور کا چارج دیکر کمشنر ان لینڈ ریونیو ود ہولڈنگ ٹیکس ریجنل ٹیکس آفس لاہور کی ذمہ داریاں سنبھال لی ہیں۔