’’ہمت کارڈ‘‘پنجاب میں 4لاکھ رجسٹرڈ معذور افراد کی مالی مدد کے لئے تصدیق شروع، سہ ماہی 7500روپے ملیں گے

لاہور(آصف محمود بٹ) پنجاب حکومت نے معذور افراد کی مالی امداد کے لئے ’’ہمت کارڈ‘‘ کے اجراء کے حوالے سےصوبے بھر میں4لاکھ سے زائد رجسٹرڈ معذور افراد کی فیلڈ ویری فیکیشن کا کام شروع کردیا ہے۔ معتبر ذرائع نے ’’جنگ‘‘ کو بتایا کہ پنجاب حکومت کی طرف سے معذور افراد کی رجسٹریشن کا سسٹم2022میں شروع کیا گیا تھا۔ حکومت کی طرف سے جاری کرائٹیریا کے مطابق معذور افراد صرف ان کو تسلیم کیا جاتا ہے جنکو میڈیکل بورڈ معائنے کے بعد باقائدہ سرٹیفکیٹ ایشو کرتا ہے۔