انٹر بینک میں ڈالر 30؍پیسے تک سستا

کراچی ( اسٹاف رپورٹر) انٹر بینک میں ڈالر کی قیمت 30 پیسے تک اور اوپن مارکیٹ میں 25 پیسے تک گھٹ گئی، یورو کی قیمت میں 41 پیسے کی کمی، پاؤنڈ کی قیمت بھی 60 پیسے تک کم ہو گئی، فاریکس ایسوسی ایشن کی جاری کردہ رپورٹ کے مطابق پیر کو روپے کے مقابلے پر انٹر بینک میں ڈالر کی قیمت خرید 30 پیسے کی کمی سے 278.30 روپے سے کم ہو کر 278.00 روپے اور قیمت فروخت 25 پیسے کی کمی سے 278.60 روپے سے کم ہو کر 278.35 روپے ہو گئی ، اوپن مارکیٹ میں ڈالر کی قیمت خرید 6 پیسے کی کمی سے 279.05روپے سے کم ہو کر 278.99 روپے ہو گئی لیکن قیمت فروخت 280.50 روپے پر برقرار رہی۔