چین اور روس کی مشترکہ بحری مشقیں شروع ہوگئیں

بیجنگ (خبر ایجنسی)چین اور روس کے بحری بیڑے تین روزہ بحری مشقوں کیلئے گزشتہ روزچین کے جنوبی صوبے گوانگ ڈونگ کے شہر ژانجیانگ کی بحری بندرگاہ سے روانہ ہوگئے۔عسکری ذرائع کے مطابق، دونوں ممالک کی جاری مشترکہ فوجی مشقوں کے تحت بحری مشق میں بندرگاہوں کے دفاع،مشترکہ جاسوسی اور پیشگی انتباہ،تلاش اور بچا کی مشترکہ سرگرمیوں، مشترکہ فضائی دفاع اور میزائل دفاع جیسی سرگرمیاں انجام دی جائیں گی۔ذرائع کے مطابق اس دوران اس سے قبل ہونے والی مشاورت اور تبادلوں کے نتائج کو جانچنے کے لیے لائیو ہتھیاروں سے فائرنگ بھی کی جائیگی۔