افغانستان میں شدید بارشیں، 35 افرادجاں بحق،200سے زائد زخمی

کابل (آئی این پی )افغانستان کے مشرقی حصہ میں شدید بارشوں کے باعث مختلف حادثات واقعات میں35افراد جاں بحق اور230زخمی ہوگئے۔غیرملکی خبررساں ادارے کے مطابق محکمہ اطلاعات و ثقافت کے سربراہ قریشی بدلون نے بتایا کہ جلال آباد اور ننگرہار کے بعض اضلاع میں گرج چمک کے ساتھ ہونے والی بارش سے 35 افراد جاں بحق اور 230 زخمی ہوئے۔انہوں نے کہا کہ یہ ہلاکتیں شدید طوفان اور بارشوں کی وجہ سے ہوئیں جس سے درخت، دیواریں اور لوگوں کے گھروں کی چھتیں گر گئیں، ہلاکتوں میں مزید اضافے کا امکان ظاہر کیا جارہا ہے۔علاوہ ازیں بدلون کے محکمہ کی طرف سے شیئر کی گئی تصاویر میں سفید اور نیلے رنگ کی وردی پہنے طبی عملے کو زخمیوں کا علاج کرتے دکھایا گیا ہے۔