راولپنڈی اسلام آباد میں شدید حبس، آج بارش کا امکان

اسلام آباد (اپنے نامہ نگار سے) راولپنڈی اسلام آباد سمیت ملک کے بیشتر علاقوں میں شدید حبس اور موسم گرم رہا۔ محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم گرم اور مرطوب رہنے کا امکان ہے تاہم راولپنڈی اسلام آباد سمیت با لائی خیبر پختونخوا، خطہ پوٹھوہار ،شمال مشرقی پنجاب ، جنوب مشرقی/ زیریں سندھ، شمال مشرقی /جنوبی بلوچستان ، گلگت بلتستان اورکشمیر میں چند مقامات پر آندھی/ جھکڑ چلنے اور گرج چمک کے ساتھ بارش متوقع ہے۔