ایگریکلچرل ٹیکنالوجی ڈویلپمنٹ ،پاکستانی جامعات بین الاقوامی اتحاد میں شامل

تاشقند( این این آئی)بین الاقوامی تعاون کے ذریعے زرعی ٹیکنالوجی کو فروغ دینے کی جانب ایک اہم قدم ، چار پاکستانی یونیورسٹیوں ہری پور یونیورسٹی ، قائد اعظم یونیورسٹی ، سندھ ایگریکلچر یونیورسٹی اور ایوب ایگریکلچرل ریسرچ انسٹی ٹیوٹ نے تاشقند ،ازبکستان میں منعقد ہونے والے 9 ویں سلک روڈ ایگریکلچر ایجوکیشن اینڈریسرچ کوآپریشن فورم میں سلک روڈ ایگریکلچر ایجوکیشن اینڈ ریسرچ انوویشن الائنس میں شمولیت اختیار کر لی ہے۔چائنہ اکنامک نیٹ کے مطابق اس تعاون کا مقصد چین اور پاکستان کے سرکردہ اداروں کے درمیان تعاون کو فروغ دینا ہے، جس میں نئی غذائی فصلوں، سبزیوں کی اقسام اور ادویاتی فصلوں کے تبادلے اور مشترکہ ترقی پر توجہ مرکوز کی جائے گی۔ چائنہ اکنامک نیٹ کے مطابق اب تک اس زرعی تعاون پروگرام میں شامل محققین نے تنا وکے خلاف مزاحمت کرنے والی گندم کی 19 اقسام کا انتخاب کیا ہے اور پاکستان میں وسیع پیمانے پر کاشت کے لئے موزوں گندم کی ایک نئی قسم کی نشاندہی کی ہے۔