پشاور، آئس کے نشئی کی فائرنگ سے بیوی جاں بحق ،جوان بیٹا بیٹی زخمی

پشاور(نمائندہ جنگ)تھانہ بڈھ بیرکی حدود ماشو خیلمیں آئس کے نشئی نے فائرنگ کرکے بیوی کو قتل اور جوان بیٹے اور بیٹی کو زخمی کردیا ٗمجروح سربند پولیس کو قتل اوراقدام قتل کے مقدمہ میں مطلوب تھا ۔مناہل دختر برکت سکنہ ماشو خیل نے زخمی حالت میں پولیس کو بتایا کہ اس کا والد آئس کا نشہ کرتاہے اس کی والدہ کی اس کے ساتھ روزانہ آئس کے نشہ پر لڑائی جھگڑے ہوتے تھے گزشتہ روز صبح چار بجے کے قریب اسکے والد نے ان پر فائرنگ کردی جس کے نتیجے میں اس کی والدہ جاں بحق اور وہ اپنے جوان بھائی شاکر اللہ سمیت زخمی ہو گئی۔ پولیس کے مطابق مجروح شاکر اللہ تھانہ سربند پولیس کو قتل اور اقدام قتل کے مقدمہ میں مطلوب تھا۔ پولیس نے ملزم کو زخمی حالت میں گرفتار کر لیا ۔