وزیر اعلیٰ KP کی ہدایت پر صنم جاوید اسلام آباد میں موجود خیبر پختونخوا ہاوس منتقل

اسلام آباد (نمائندہ جنگ) پاکستان تحریک انصاف کی کارکن صنم جاوید کو فیملی کے ہمراہ کے پی ہاوس اسلام آباد منتقل کر دیا گیا۔ ذرائع کے مطابق صنم جاوید اور ان کے اہل خانہ کو وزیر اعلیٰ خیبر پختونخوا علی امین گنڈا پور کی ہدایت پر کے پی ہاوس منتقل کیا گیا ہے۔ صنم جاوید اہل خانہ کے ہمراہ کے پی ہاوس میں قیام کریں گی۔ واضح رہے کہ پیر کو اسلام آباد ہائیکورٹ کے جسٹس میاں گل حسن اورنگزیب نے پی ٹی آئی کارکن صنم جاوید کو رہا کرتے ہوئے جمعرات تک گرفتار نہ کرنے کا حکم دیا تھا۔ عدالت نے جمعرات کو صنم جاوید کیخلاف درج تمام مقدمات کا ریکارڈ بھی طلب کر لیا ہے۔