خیبر پختونخوا کو تخت اسلام آباد کیلئے استعمال کیا جارہا ہے عوامی نیشنل پارٹی

پشاور( نمائندہ جنگ) عو امی نیشنل پارٹی پختونخوا کے ترجمان ارسلان خان ناظم نے کہا ہے کہ خیبر پختونخوا کو تخت اسلام آباد کیلئے استعمال کیا جارہا ہے۔ انہوں نے کہا کہ پی ٹی آئی سے نظریاتی اختلاف اپنی جگہ لیکن ہم ان پر پابندی لگانے کے حق میں نہیں ،انہوں نے کہا کہ بنوں میں امن مارچ کے شرکاء پرپر براہ راست فائرنگ افسوسناک ہے،عوامی نیشنل پارٹی پرامن مظاہرین پر فائرنگ کی مذمت کرتی ہےاے این پی عدم تشدد پر یقین رکھتی ہے، امن کیلئے آواز اٹھنے والی آوازوں کو دبایا نہیں جاسکتا،فائرنگ کس نے اور کیوں کی ہے؟مطالبہ کرتے ہیں کہ واقعے کی مکمل تحقیقات کرائی جائیں۔ان خیالات کا اظہار انہوں نےپریس کانفرنس کرتے ہوئے کیا۔ ارسلان خان کاکہنا تھاکہ پختونخواکو تاریکیوں میں دھکیلا جارہا ہے، کسی کو فکر تک نہیں۔تعلیم کیلئے محض دو فیصد بجٹ مختص کرنا تعلیم کی طرف غیر سنجیدگی کا ثبوت ہے۔