ایف بی آر پالیسیوں میں تبدیلی لانا وقت کیاہم ضرورت ہےاسٹیٹ ایجنٹس ایسوسی ایشن

اسلام آباد (نیوز رپورٹر)اسلام آباد اسٹیٹ ایجنٹس ایسوسی ایشن کے چیئرمین فارن ڈیلیگیشن کمیٹی چوہدری مظہر نے کہا ہے کہ ایف بی آر پالیسیوں میں تبدیلی لانا وقت کی اہم ضرورت ہے اور عملی طور پر خود انحصاری کی پالیسیاں ترتیب دی جائیں، تمام شعبوں کے ٹیکس دہندگان کو ٹیکسیشن پالیسی کی مشاورت میں شامل کیا جائے اور ان کی تجاویز کو نظر انداز کرنے کی بجائے زیر غور لایا جائے ۔انہوں نے کہا کہ ٹیکسیشن پالیسی میں تبدیلی لانا وقت کی اہم ضرورت ہے جس کیلئے حکومت اور اس کے متعلقہ اداروں کو ہنگامی بنیادوں پر پیشرفت دکھانا ہو گی ۔ ٹیکسز وصولی کے اہداف کے حصول کیلئے چور راستوں کی بندش ، شرح میں کمی اور پیچیدگیوں کو ختم کر کے نظام کو سہل بنانا نا گزیر ہےاور ہمیں اپنے ماحول کو دیکھتے ہوئے پالیسیاں بنانا ہوں گی ہم بطور قوم عملی طور پر خود انحصاری کی طرف سفر کا آغاز کریں تمام پہلوئوں پر غور کیا جائے اور اس کیلئے مشاورت کاعمل شروع کر کے از سر نو پالیسیاں ترتیب دی جائیں۔