300پبلک سکولوں کوٹیک سکولز کادرجہ دینے کافیصلہ

لاہور(خصوصی رپورٹر)وزیر تعلیم رانا سکندر حیات کی زیر صدارت پبلک سکولوں میں مڈل، میٹرک اور انٹر ٹیک کے آغاز حوالے سے اجلاس ہوا ۔ اجلاس میں پہلے مرحلے میں 300 پبلک سکولوں کو ٹیک سکولز کا درجہ دینے اور دائرہ کار دیگر سکولوں تک پھیلانے کا فیصلہ بھی کیا گیا۔وزیر تعلیم نے کہا کہ میٹرک اور انٹر ٹیک پاکستان کی تاریخ میں پہلی مرتبہ شروع ہو رہا ہے۔ لہذا مارکیٹ کی ڈیمانڈ کے مطابق ٹیکنیکل کورسز متعارف کروائے جائیں وزیر تعلیم نے ہر تحصیل میں کم از کم 2 ٹیک ایجوکیشن سنٹرز بنانے، دستیاب سہولیات سے زیادہ سے زیادہ استفادہ کرنے، ٹیک لیبز کو اپ گریڈ کرنے اور لڑکیوں کیلیے الگ ٹیک کورسز متعارف کروانے کی بھی ہدایت کی ۔