آئی سی ٹی سروسز کی برآمدی ترسیلات اضافہ سے3.223 ارب ڈالرز تک پہنچ گئیں

اسلام آباد (اپنے نامہ نگار سے )پاکستان کی آئی سی ٹی سروسز کی برآمدی ترسیلات جون 2024 میں ریکارڈ 298 ملین ڈالرز اضافہ کے ساتھ بڑھ کر 3اعشاریہ 223 ارب ڈالرز تک پہنچ گئیں، آئی ٹی برآمدات میں گذشتہ سال جون کے مہینے میں 32اعشاریہ 44 فی صد اضافہ ہوا تھا، وزیر مملکت آئی ٹی شزہ فاطمہ نے کہا ہے کہ جولائی 2023 سے جون 2024 کے دوران آئی ٹی برآمدات گزشتہ مالی سال کے اسی عرصہ کے 2اعشاریہ 596 ارب ڈالرز کے مقابلے میں3 اعشاریہ223 ارب ڈالرز تک پہنچ گئی ہیں، انہوں نے کہاآئی ٹی برآمدات میں اضافہ کے لئے حکومتی اقدامات جاری ہیں ، شزہ فاطمہ نے کہا حکومت کے کاروبار کرنے میں آسانی کے لئے اقدامات کی بدولت ہماری آئی ٹی برآمدات میں اضافہ ہو رہا ہے،ایس آئی ایف سی کی بھر پور معاونت سے وزارت آئی ٹی، پاکستان سافٹ ویئر ایکسپورٹ بورڈ، آئی ٹی انڈسٹری آئی ٹی برآمدات میں اضافہ کےلئے کوشاں ہیں۔