MDCAT کاامتحان 22 ستمبر کو منعقد کرنےکا اعلان

کراچی(سید محمد عسکری) MDCAT کاامتحان 22 ستمبر کو منعقد کرنےکا اعلان، صدر پی ایم ڈی سی پروفیسر ڈاکٹر رضوان تاج نے اعلان کیا ہے کہ ایم ڈی کیٹ پاکستان اور بیرون ملک میں ایک ہی تاریخ کو منعقد کیا جاے گا۔ ایم ڈی کیٹ کا نصاب اگلے ہفتے PM&DC کی ویب سائٹ پر اپ لوڈ کر دیا جائے گا۔ طلباء کی سہولت کے لیے کونسل نے نصاب کو تبدیل نہ کرنے کا فیصلہ کیا ہے ۔ کونسل نے تمام صوبائی سیکرٹریز کو ایم ڈی کیٹ امتحان کی تیاری شروع کرنے کی ھدایت کردی۔ صدر پی ایم ڈی سی کے مطابقفیصلہ طلباء کے وسیع تر مفاد کو مدنظر رکھتے ہوئے کیا گیا ہے۔ صدر نے کہا کہ گزشتہ سال تقریباً 180534 طلباء امتحان میں شریک ہوئے تھے۔ ایک اندازے کے مطابق اس سال امتحان میں تقریبا دو لاکھ طلباء شرکت کرنے کا امکان ہے کے مطابقڈاکٹر رضوان تاج ایم ڈی کیٹ پیپر انڈیکس کو میرٹ پر سمجھوتہ کیے بغیر طلبہ کی آسانی کے لیے بھی مدنظر رکھا جائے گا۔ طلباء کا روشن مستقبل ہماری اولین ترجیح ہے ۔ صدر پی ایم ڈی سی پی ایم ڈی سی ادارہ طلباء کی سہولت کے لیے انتھک محنت کر رہا ہے۔ تمام یونیورسٹیوں کو ہدایت کی ہے کہ وہ داخلے کے عمل میں شفافیت کو یقینی بنائے۔ ایم ڈی کیٹ امتحان کی مزید تفصیلات، شیڈول، رجسٹریشن کا عمل، اور دیگر معلومات، آنے والے دنوں میں پی ایم ڈی سی کی ویب سائیٹ سے حاصل کیے جا سکتے ھیں۔