صنم جاوید کو مقدمہ سے ڈسچارج کرنے کیخلاف اپیل پر فریقین سے جواب طلب

اسلام آباد (خبر نگار،خصوصی نامہ نگار) ایڈیشنل ڈسٹرکٹ اینڈ سیشن جج اسلام آباد افضل مجوکا نے ڈیوٹی جج کی جانب سے تحریک انصاف کی رکن صنم جاوید کو ایف آئی اے مقدمہ سے ڈسچارج کرنے کے فیصلے کیخلاف ایف آئی اے کی اپیل پر فریقین سے جواب طلب کر لیا۔ جمعہ کو سماعت کے دوران ایف آئی اے کے پراسیکیوٹر شیخ عامر عدالت میں پیش ہوئے اور موقف اختیار کیاکہ ڈیوٹی مجسٹریٹ کے پاس اختیار ہی نہیں ہے کہ وہ مقدمے سے ڈسچارج کر دیں، اسلام آباد ہائیکورٹ میں اس کیس کا کوئی بھی ریکارڈ پیش نہیں کیا گیا، اسلام آباد ہائیکورٹ میں بلوچستان اور پولیس مقدمات کے حوالے سے ریکارڈ طلب کیا گیا تھا، ایف آئی اے کا کوئی ریکارڈ اسلام آباد ہائیکورٹ میں طلب نہیں کیا گیا تھا اور نہ ہی ہمارا کوئی نمائندہ ہائیکورٹ میں پیش ہوا تھا، اس پر فاضل عدالت نے فریقین کو نوٹس جاری کرتے ہوئے سماعت 23جولائی تک ملتوی کردی۔