کراچی میں جرمن قونصل خانہ کھول دیا گیا

کراچی ( اسٹاف رپورٹر)کراچی میں جرمن قونصل خانہ کھول دیا گیا،جرمن قونصل خانے کی جانب سے سوشل میڈیا اکائونٹ فیسبک پر پوسٹ شئیر کی گئی ہے جس میں کہا گیاہے کہ کراچی میں جرمن قونصل خانہ غیر یورپی شہریوں کے لیے دوبارہ کھول دیا گیا ہے۔خیال رہے کراچی میں جرمن قونصل خانہ سیکیورٹی خدشات کے باعث کچھ روز قبل بند کیا گیا تھا مگر اس حوالے سے وضاحت پیش نہیں کی گئی تھی کہ سکیورٹی خدشات کس نوعیت کے تھے۔