اسلامی مالیاتی اداروں کیلئے7مزید شرعی معیارات اپنانے کا اعلان

اسلام آباد(کامرس رپورٹر )سکیورٹیز اینڈ ایکسچینج کمیشن آف پاکستان نے اسلامی مالیاتی خدمات میں بہترین بین الاقوامی طریقوں کو رائج کرنے کے سلسلے میں اکاؤنٹنگ اور آڈیٹنگ آرگنائزیشنوں کی طرف سے اسلامی مالیاتی اداروں اے اے او آئی ایف آئی کیلئےتعمیل اور وضاحت کی بنیاد پر جاری گورننس اور اخلاقی کاروبار کے سات مزید شرعی معیارات اپنانے کا اعلان کر دیا، ایس ای سی پی بتدریج اے اے او آئی ایف آئی کے اکاؤنٹنگ اور شرعی معیارات کو اسلامی مالیاتی خدمات کے معیار کے طور پر اپنا رہا ہے جس کا مقصد مقامی کاروباری تناظر میں کاروباری طریقوں میں ہم آہنگی اور معیار کو یقینی بنانا ہے، ایس ای سی پی کے ریگولیٹری دائرہ کار میں سٹیک ہولڈرز سے مشاورت کا اہتمام کیا گیا ہے نئے معیارات ریگولیٹڈ سیکٹرز میں اسلامی مالیاتی خدمات کے معیار کو بہتر بنائینگے، لین دین میں شفافیت اور تعمیل کو بہتر بنائینگے اور سٹیک ہولڈرز کے اعتماد میں اضافہ کرینگے، اسلامی مالیاتی اکاؤنٹنگ اور آڈیٹنگ کے معیارات کو اپنانے کے حوالے سے ایس ای سی پی نے ایس ای سی پی ایکٹ 1997 کے سیکشن 11 کے تحت ایک کمیٹی تشکیل دی ہے جو سٹیک ہولڈرز کی مشاورت سے سفارشات اور آگے کے طریقے وضع کریگی۔