دالبندین: مختلف مقامات پر دو مال بردار ٹرینیں پٹری سے اتر گئیں

دالبندین (نامہ نگار)پاک ایران ریلوے ٹریک پر دو مال بردار ٹرینیوں کی8 بوگیاں پٹڑی سے اتر گئیں ۔کوئٹہ سے دالبندین آنے والی مال بردار ٹرین کی تین بوگیاں پیشوک کے مقام پر پٹری سے اتریں۔ ٹرین میں ریلوے کامرمتی ودیگر ضروری سامان تھا ۔ریلوے عملے نے بحالی کا کام شروع کردیا ہے پاک ایران ریلوے لائن دالبندین سیکشن کی بحالی کاکام جاری ہے۔ ادھر تفتان کے قریب کوئٹہ سے زاہدان جانے والی مالبردار ٹرین کی چاول سے بھری 5 بوگیاں پٹڑی سے اتر گئیں ٹرین تفتان کے قریب لیس آب کے مقام پر پٹری سے اتری ہے جس کی سبب نوکنڈی سیکش میں بھی پاک ایران ریل سروس معطل ہے دونوں سیکشن کے بحالی کے لئے ریلوے کا عملہ کام میں مصروف ہے۔ ریلوے ذرائع کا کہنا ہے کہ گرمی اور وسائل کی کمی سے عملہ کو سخت مشکلات درپیش ہیں اس کے باوجود بہت جلد پاک ایران ریلوے ٹریک بحال کیا جائے گا ۔