پاکستان مظلوم فلسطینیوں کے ساتھ کھڑا ہے ، مسلم لیگ ن

کوئٹہ(پ ر)پاکستان مسلم لیگ (ن) کے صوبائی جنرل سیکرٹری و رکن قومی اسمبلی جمال شاہ کاکڑ نے اسرائیل کی قبضہ گیری کے خلاف عالمی عدالت انصاف کے رائے کا خیر مقدم کرتے ہوئے کہا ہے کہ پاکستان مظلوم فلسطینیوں کے ساتھ کھڑا ہے آئی سی جے کی جانب سے اسرائیل کو اپنا قبضہ اور غیر قانونی آباد کاری ختم کرنے کے حوالے سے دی گئی رولنگ بہادر فلسطینی عوام کی قانونی جدوجہد کی تصدیق ہے۔ بیان میں انہوں نے مقبوضہ فلسطینی علاقے میں اسرائیلی پالیسیوں پر عالمی عدالت انصاف کی رائے کا خیر مقدم کرتے ہوئے مطالبہ کیا ہے کہ عالمی برادری اور اقوام متحدہ اس رولنگ پر عمل درآمد یقینی بنائیں۔ انہوں نے کہا کہ آئی سی جے کی جانب سے اسرائیل کو اپنا قبضہ اور غیر قانونی آباد کاری ختم کرنے کے حوالے سے دی گئی رولنگ بہادر فلسطینی عوام کی قانونی جدوجہد کی تصدیق ہے۔ انہوں نے عالمی برادری اور اقوام متحدہ پر زور دیا کہ وہ اس رولنگ پر عمل درآمد یقینی بنائیں۔