لائیو نشریات کے دوران زیادہ کھانا کھانے سے چینی اسٹریمر ہلاک

پشاور ( مانیٹرنگ ڈیسک )لائیو نشریات کے دوران زیادہ کھانا کھانے سے چینی اسٹریمر اپنی جان سے ہاتھ دھو بیٹھی۔غیر ملکی میڈیا کے مطابقپین زیاؤٹنگ نامی 24 سالہ خاتون کھانے کے حوالے سے مختلف ویڈیوز بناتی تھی اور اپنے فالوورز کو محظوظ کرنے اور زیادہ ویوز حاصل کرنے کیلئے مختلف کھانوں کے چیلنج کو آزماتی تھی۔ایسا ہی کچھ لائیو نشریات کے دوران بھی ہوا اور ضرورت سے زیادہ کھانے پر خاتون موت کے منہ میں چلی گئی۔میڈیا رپورٹس کے مطابق خاتون10گھنٹے تک بغیر وقفے کے کھانا کھاتی تھی اور ایک بار اس نے 22 پاؤنڈ کھانا کھایا تھا۔