حکومت کا بجلی کی خریداری کے موجودہ معاہدوں پر نظرثانی کا فیصلہ

اسلام آباد ( آن لائن ) وزیراعظم شہباز شریف نے موجودہ پاور پرچیز ایگریمنٹ ( پی پی اے ) کا جائزہ لینے کے لیے وزیر بجلی سردار اویس لغاری کی سربراہی میں ایک بین وزارتی کمیٹی تشکیل دے دی۔ذرائع کے مطابق کمیٹی میں وزیر پاور، وزیر آبی وسائل ، ڈپٹی چیئرمین پلاننگ کمیشن ، سیکرٹری پاور ڈویژن ، چیئرمین نیپرا، سیکرٹری آبی وسائل اور چیئرمین واپڈا شامل ہیں جس کا مقصد نیلم جہلم ہائیڈرو پاور پرواجیکٹ کی سرنگ کے گرنے کے نیتجے صارفین کے ٹیرف کے مسائل پر ایک رپورٹ مرتب کرنا ہے، اس کمیٹی کی تشکیل کا فیصلہ نیلم جہلم ہائیڈرو پاور پراجیکٹ کے حوالے سے منعقدہ اجلاس میں ہوا۔ذرائع کا کہنا ہے کہ نیلم جہلم ہائیڈرو پاور پروجیکٹ کے ڈیزائن کی سنگین خرابیوں پر 2 رکنی کمیٹی نے ابتدائی رپورٹ پیش کردی ہے، وزیراعظم شہباز شریف نے حالیہ دورہ چین میں اس پروجیکٹ کا معاملہ چینی کمپنیوں کے اعلیٰ حکام کے ساتھ اٹھایا جس نے یہ منصوبہ بنایا، وزیراعظم نے نیلم جہلم پرہجیکٹ میں ڈیزائن کی سنگین خامیوں کا معاملہ اٹھایا اور خامی کو دور کرنے کا مطالبہ کیا تاکہ منصوبے کو جلد از جلد آپریشنل کیا جا سکے۔