ژوب ،ڈ یڑھ سال کے بچے میں پولیو وائرس کی تصدیق

ژوب(صباح نیوز)بلوچستان کے ضلع ژوب سے پولیو وائرس کی تصدیق ہوئی ہے جس کے بعد ملک میں پولیو کیسز کی تعداد 9 ہو گئی۔ژوب کی یونین کونسل حسن زئی اربن ٹو سے ڈیڑھ سال کے بچے میں پولیو وائرس کی تصدیق ہوئی ہے۔اس حوالے سے پی ایم کوآرڈینیٹر برائے صحت ڈاکٹر ملک مختارنے کہا کہ پولیو وائرس سے اس سال 9 بچے متاثر ہو چکے ہیں۔ انسداد پولیو کی فوکل پرسن عائشہ رضا نے کہا کہ پولیو سے بچنے کا سب سے موثر طریقہ پولیو سے بچائو کی متعدد ڈوز ہیں۔کوآرڈینیٹر نیشنل ایمرجنسی آپریشنز سینٹر محمد انوار الحق نے کہا کہ رواں سال اب تک 6 انسداد پولیو مہم ہو چکی ہیں، بچوں کو محفوظ رکھنے کے لئے مختلف حکمت عملی اپنا رہے ہیں۔