ڈھاکا، پاکستانی ہائی کمیشن کا پاکستانی طلبہ کو کیمپس سے باہر نہ نکلنے کا مشورہ

ڈھاکا (نیوز ایجنسی) پاکستانی ہائی کمیشن بنگلا دیش نے پاکستانی طلبہ کو کیمپس میں اپنے کمروں سے باہر نہ نکلنے کا مشورہ دیا ہے۔پاکستانی ہائی کمیشن بنگلا دیش کی جانب سے جاری ہونے والے بیان کے مطابق پاکستانی ہائی کمیشن نے پاکستانی شہریوں کو اپنی حفاظت کے لیے ہر ممکن احتیاط برتنی اور احتجاج سے دور رہنے کا مشورہ دیا ہے۔اس کے ساتھ ہی پاکستانی سفارت خانے نے مصیبت میں مبتلا افراد کی سہولت کے لیے ای میل ایڈریس اور ہیلپ لائن نمبر بھی جاری کردیا ہے۔خیال رہے کہ گزشتہ 3 ہفتوں سے زائد عرصے سے بنگلا دیش میں طلبہ ملک میں رائج کوٹہ سسٹم کے خلاف سراپا احتجاج ہیں۔ احتجاجی مظاہروں میں شریک 105 افراد کی ہلاکت کے بعد کرفیو نافذ کردیا گیا اور فوج طلب کرلی گئی ہے۔