190 ملین پائونڈ ریفرنس، عمران کے وکلا کی اعظم خان، زبیدہ جلال، پرویز خٹک پر جرح مکمل

اسلام آباد(جنگ رپورٹر)احتساب عدالت کے جج محمد علی وڑائچ کی زیر سماعت بانی پی ٹی آئی اور بشری بی بی کے خلاف 190ملین پاونڈ ریفرنس میں عمران خان کے وکلاء نے سابق پرنسپل سیکرٹری اعظم خان، زبیدہ جلال اور پرویز خٹک پر جرح مکمل کر لی جبکہ بشری بی بی کے وکلاء آئندہ سماعت پرزبیدہ جلال اور پرویز خٹک پر جرح مکمل کریں گے۔ عدالت نے آئندہ سماعت پر استغاثہ کے مزید 2 گواہان کو طلب کر لیا اورریفرنس کی سماعت 22 جولائی تک کیلئے ملتوی کر دی ۔گذشتہ روز اڈیالہ جیل میں سماعت کے دوران ملزم عمران خان اور بشریٰ بی کو پیش کیا گیا ، نیب کی جانب سے امجد پرویز سردار مظفر عباسی اور نیب لیگل ٹیم جبکہ ملزمان کی جانب سے چوہری ظہیر عباس عدالت پیش ہوئے اور بشری بی بی کے وکیل عثمان ریاض گل پیش نہیں ہوئے، ہ بانی پی ٹی آئی کے وکلاء نے سابق وزیراعظم کے پرنسپل سیکرٹری اعظم خان ، سابق وفاقی وزیر زبیدہ جلال اور پرویز خٹک کے بیانات پر جرح مکمل کی۔