دبئی سے کراچی آنیوالے دو مسافر گرفتار موبائل فونز اسمگل کررہے تھے

کراچی ( اسٹاف رپورٹر) کسٹمز نےجناح انٹرنیشنل ائرپورٹ کراچی سے موبائل فونز کی اسمگلنگ کی کوشش کے الزام میں 2مسافر گرفتار کر لئے، ترجمان کسٹمز کے مطابق ایک انٹیلی جنس ایجنسی کی طرف سے فراہم کردہ مصدقہ معلومات کی بنیاد پرکسٹمز کی ٹیم نےفلائی دبئی کی پرواز FZ 329 سے کراچی پہنچنے والےمسافروں شہروز اور سہیل امین کو سامان کے ہمراہ گرین سے باہر جانے سے روک کر انھیں کسٹمز ریڈ چینل کی طرف بھیج دیا گیا۔جہاں پر ان  کے سامان کی اسکیننگ کی گئی جس میں ، بڑی تعداد میں موبائل فونز کی نشاندہی ہوئی جس پر مسافروں کے سامان کو کسٹمز ایگزامینیشن کاونٹر پر منتقل کر کے مسافروں کی موجودگی میں ان کے کیری آن بیگز میں چھپے ہوئے موبائل فونز برآمد کئے۔