چائلڈ پروٹیکشن بیورو کی چیئر پرسن سارہ احمد ”ایک دِن جیو کے ساتھ“

کراچی (جنگ نیوز) چائلڈ پروٹیکشن بیورو کی چیئر پرسن اور ممبر صوبائی اسمبلی سارہ احمد نے کہا ہے کہ مجھے میرے کام کی وجہ سے اقوام متحدہ میں بلایا گیا۔ چار وزرائے اعلیٰ کے ساتھ کام کیا مگر میرے کام کی وجہ سے مجھے نہیں بدلا گیا۔ اِن خیالات کا اظہار اُنہوں نے ”جیونیوز“ کے پروگرام ”ایک دِن جیو کے ساتھ“ میں گفتگو کرتے ہوئے کیا۔ میزبان سہیل وڑائچ کے مختلف سوالوں کا جواب دیتے ہوئے سارہ احمد کا مزید کہنا تھا کہ ہم ایک سال میں دس ہزار سے زائد بچوں کو ریسکیو کرتے ہیں۔ اُن کا کہنا تھا کہ بطور چیئرمین تنخواہ نہیں لیتی۔ بھکاریوں کے گینگ پکڑنے پر مجھے دھمکیوں کا سامنا کرنا پڑا۔ تفصیلی گفتگو ناظرین اتوار کی شام 7 بجکر5 منٹ پر دیکھ سکیں گے۔