ایم این ایز کو خریدنے کیلئے بڑی آفرز آرہی ہیں، اسد قیصر

پشاور (نیوز ڈیسک) پاکستان تحریک انصاف کے رہنما اسد قیصر نے کہا ہے کہ ایم این ایز کو خریدنے اور وفاداری بدلنے کیلئے بڑی آفرز آرہی ہیں، لوگوں کو دبایا جا رہا ہے کہ وہ اپنی وفاداری تبدیل کریں۔ سابق اسپیکر قومی اسمبلی اسد قیصر نے کہا کہ پی ٹی آئی آئندہ جمعہ کو تحریک تحفظ آئین پاکستان کے تحت احتجاج کریگی جس میں تمام سیاسی جماعتوں بلخصوص جی ڈی اے کو شرکت کی دعوت دیں گے۔ اسد قیصر نے کہا کہ بجلی کے بلوں میں اضافہ عوام کیلئے ناقابل برداشت ہے۔ کسان، طلبہ، تاجر اور مزدور سب نے ملکر اس ملک کو بچانا ہے، اس وقت ملک میں آگ اور خون کا کھیل کھیلا جا رہا ہے۔